अनामनगरको किम्ची रेष्टुरेन्टले महानगरकै कार्यक्रममा किरा परेको पानी खुवाएपछि..

काठमाडौं । अनामनगरस्थित किम्ची फास्टफुड एण्ड तन्दुरी रेष्टुरेन्टले किरा परेको पानी खुवाएपछि काठमाडौं महानगरपालिकाले एक्सन लिएको छ। काठमाडौं महानगरपालिकाले नै आयोजना गरेको कार्यक्रममा किम्चीले किरा परेको पानी खुवाएको हो।

किम्ची फास्टफुड एण्ड तन्दुरी रेष्टुरेन्ट लेखिएको पानीको बाेटलमा किरा भेटिएपछि काठमाडौं महानगरपालिकाका कर्मचारीले उक्त बोटल सिल गरेकाे छ। महानगरपालिकाकाे कार्यक्रममा वितरण गरेकाे पानीको बाेटलमा किरा भेटिएपछि उक्त बोटल सिल गरिएको काठमाडौं महानगरपालिकाका कर्मचारीले जनाएका छन् ।उपभोक्ताको स्वास्थ्यमाथि गम्भीर खेलबाड गर्ने किम्चीमाथि थप कारबाही गर्ने महानगरको तयारी छ।

महालेखा नियन्त्रक कार्यालय, सडक विभाग, राष्ट्रिय विपद् जोखिम न्यूनीकरण तथा व्यवस्थापन प्राधिकरण लगायत सिंहदरबारभित्रका अधिकांश मन्त्रालयमा खाजा खुवाउँदै आएको किम्चीले पिउने पानी नै दुषित खुवाउने गरेको पाइएको छ। किम्चीले काठमाडौं महानगरपालिका कै कार्यक्रममा यो हदसम्मको लापरबाही गरेको हो।