नेपाल टेलिकमको एमडीमा संगिता पहाडी नियुक्त

काठमाडौं । नेपाल टेलिकमको प्रबन्ध निर्देशक (एमडी)मा संगिता पहाडी अर्याल नियुक्त भएकी छिन्। सोमबार बसेको मन्त्रिपरिषद्को बैठकले उनलाई एमडी नियुक्त गर्ने निर्णय गरेको हो। टेलिकमको एमडी नियुक्तिका लागि अनिलकुमार झा, पहाडी र विमल आचार्यको नाम सिफारिस भएको थियो। सरकारले पहाडीलाई एमडी नियुक्ति गरेको हो।

सुनिल पौडेललाई भ्रष्टाचारमा मुद्दा दायर भएपछि पहाडीले कायममुकायम एमडीको जिम्मेवारी पाएकी थिइन्। सरकारले उनैलाई एमडी बनाएको हो। पहाडी सर्वोच्च अदालतका पूर्वन्यायाधीश लक्ष्मण अर्यालकी छोरी हुन्। उनका श्रीमान् विश्व पहाडी नेपाली सेनाका कर्णेल हुन्। विश्व फास्ट ट्रयाकको हाकिम भएर समेत काम गरेका थिए। अहिले पनि टेलिकममा उनै हावी हुने गरेको चर्चा चल्दै आएको छ।