पैसा खुवाएर डा. रावल कर्णालीको उपकुलपति बनेको आरोप

प्राडा रामप्रसाद उप्रेतीले कर्णाली स्वास्थ्य विज्ञान प्रतिष्ठान, जुम्लाको उपकुलपति (भिसी) बन्न डा. मंगल रावलले पैसा खुवाएको आरोप लगाएका छन् ।

केपी ओली र उनको सल्लाहकार मण्डलीले योग्यता नै नपुगेको एसिस्टेन्ट प्रोफेसर रावललाई भिसी बनाएको उनले सुनाए  । एसिस्टेन्ट प्रोफेसर भिसी हुन  योग्य (इलिजिबल) नै नहुने स्पष्ट पार्दै प्राडा उप्रेतीले पैसाबीना नेपालमा केही नहुन दाबी गरे ।

उपकुलपति रावल र रजिष्ट्रार नृपेन्द्र महत मन्दिर कोठामा गएर रून थालेपछि दयालु मन गरेर मुद्दा फिर्ता लिएको उनको भनाइ छ । भिसीको पोष्ट गएपछि त रजिष्ट्रारको पनि  जाने भएकाले दुबै जना पद जोगाउन रोइकराई गरेको उप्रेतील बताए । मुद्दा फिर्ता लिँदा फरेन डिपार्टमेन्टको डाइरेक्टर बनाउछु भनेर प्रलोभन देखाएर अहिले नबनाएको उनको आरोप छ ।

सर्वोच्च अदालत (सुप्रीम कोर्ट)मा मुद्दा हालेर स्टे अर्डर भएपछि त्यो मान्छे (डा. रावल)को भिसी रोकिएको बताउँदै भिसी नभएको आक्रोश जीवनभर हुने प्राडा उप्रेतीको भनाइ छ । उनले अघि थपे, ‘किनभने एउटा एसिस्टेन्ट प्रोफेसरलाई ल्याएर भिसी बनाए । त्यो पनि पैसा खुवाएको रहेछ नि बुझे नि कुरा । त्यस्ता उरेन्ठेउलालाई भिसी बनाउँछन्, रजिष्ट्रार बनाउँछन्’

महाराजगन्ज मेडिकल कलेजको चिफ भएर ४५ वर्ष विताएको र आफू कमाउनका लागि कर्णाली नगएको उप्रेतीको भनाइ छ । कर्णालीमा योगदान हुनुपर्छ भनेर मात्रै भिसी हुन खोजेको उनको जिकिर छ ।

प्राडा उप्रेतीले आफूलाई साउनदेखि अहिलेसम्म तलब नै नदिएको जनाउदै दिन्छु भनेको कुरा नदिएकोमा आक्रोश पोखे । त्यस्ता उरेन्ठेउलालाई भिसी रजिष्ट्रार बनाउँछन् भने यिनीहरुले भन्दै तत्कालीन प्रधानमन्त्री केपी शर्मा ओली र उनको टिमप्रति उनी आगो भएका छन् । अब सबै पोल खोल्ने प्राडा उप्रेतीको उद्घोष छ ।

रावलप्रति डा. उप्रेतीको  आरोप 

कर्णालीमा काम गर्दा गर्दै भिसीको पोष्ट खाली भयो ।भिसी बन्न म जस्ता २१ जनाले एप्लाई गरे तर भिसी बनायो कसलाई भन्दा एसिस्टेन्ट प्रोफेसरलाई । एसिस्टेन्ट प्रोफेसरले इलिजिबल नै हुँदैन एसोसिएट प्रोफेसर चाहीँ भएको हुनुपथ्र्यो । त्यसपछि भएन भनेर मुद्दा मैले सुप्रिम कोर्टमा हाले । चोलेन्द्र शम्शेरज्यूलाई धन्यवाद दिन्छु, अन्तरिम आदेश (स्टे-अर्डर) भयो ठ्याक्र्‍याकै ।

स्टे-अर्डर भइसकेपछि त्यो मान्छेको भिसी रोकियो तर २० गते स्टे-अर्डर २२ गते केपी ओलीजीले उहाँलाई भिसी बनाउनु भयो । उहाँका सल्लाहकार मण्डलीले बनायो । त्यतिकै बनाएको छैन । राजनीतिक स्वार्थ एउटा आर्थिक स्वार्थ अर्को बुझियो । पैसाबीना केही हुँदोरहेछ नेपालमा बुझियो । अनि भिसी बनायो ।

त्यो भिसीले पछि युवा संघको उपाध्याक्षलाई रजिष्ट्रार बनायो । भिसीको सिफारिसमा रजिष्ट्रार हुन्छ । भिसीको पैसा गएपछि त रजिष्ट्रारको पनि जाने भयो । दुबै जना यही घरमा आए । भित्र मन्दिर कोठा छ । मन्दिर कोठामा रुदै के भने भने हजुर म छोरो हो भाइ हो । मुद्दा झिकिदिनुस । म दयालु मान्छे । भिसीले नै त्यसो भन्छन् भने म तेह्रथुमको मान्छे जुम्लामा गएर के मुद्दा खेल्नु । जीवनमा कहिल्यै मुद्दा नखेलेको मान्छे भैहाल्यो त तर राम्रो काम गर हैं भन्याथे मैले मुद्दा झिकिदिए ।

त्यसपछि साउनदेखि अहिलेसम्म मलाई तलब दिएनन् । काजमा रखिदिन्छु भन्यो अस्ति गए । हाजिर गरे थमप्रिन्ट गरे । रेकर्ड छ काम गरे । मेरै कारणबाट मेडिकल काउन्सिलले एमबीबीएस हालेको छ । मैले नै त्यहाँ लजिक हालेको थिए । साउनदेखिको तलब पाएको छैन त्यो मुद्दा झिकेको कारण हो ।