प्रधानमन्त्री भारत भ्रमणको उपलब्धि: १३२ स्वास्थ्य केन्द्रको निर्माणमा प्रगति

स्वास्थ्य लाइभ शनिवार, २०७८ चैत्र १९ गते १९:५९ मा प्रकाशित

A+
A
A-

काठमाडौं । प्रधानमन्त्री शेरबहादुर देउवाको भारत भ्रमणको क्रममा नेपालका १३२ स्वास्थ्य केन्द्रको निर्माणमा प्रगति भएको विषय पनि समेटिएको छ । तीनदिने औपचारिक भ्रमणमा भारत पुगेका प्रधानमन्त्री शेरबहादुर देउवाले भारतीय समकक्षी नरेन्द्र मोदीसँग भेटेपछि उक्त कुराले पनि प्राथमिकता पाएको हो ।

भारतीय विदेशमन्त्री एस जयशंकरले नेपालीमा ट्वीट लेख्दै १३२ स्वास्थ्य केन्द्रको निर्माणमा प्रगति भएको जनाएका छन् ।

छिमेक नीति : भिन्नतासहितको परराष्ट्र नीति भन्दै नेपाली भाषामा ट्वीट लेखेका भरतीय विदेश मन्त्री जयशंकरले आज जमिनमा यसको प्रभाव भनेर १३२ स्वास्थ्य केन्द्रको निर्माणमा प्रगति भएको उल्लेख गरेका हुन् । १३२ वटा स्वास्थ्य क्षेत्रसम्वद्ध भवनहरुको निर्माणको समेत अवलोकन गरेपछि उनले त्यो कुरा उल्लेख गरेका छन् ।

स्वास्थ्य मन्त्री विरोध खतिवडा, स्वास्थ्य सचिव डा. रोशन पोखरेलसहित ५० जनाभन्दा बढी नेपाली प्रतिनिधिमण्डलको नेतृत्व गर्दै भारत पुगेका प्रधानमन्त्री शेरबहादुर देउवाले आज भारतीय समकक्षी नरेन्द्र दामोदरदास मोदीसँग भेटवार्ता गरेका छन् ।