कोभिडमा सक्रिय सिर्जना सिंह मेयरमा उम्मेदवारी दिन १ बजे जाँदै

काठमाडौं । कोभिड-१९ संक्रमणको बेला जनताको सेवामा सक्रि सिर्जना सिंह काठमाडौं महानगरपालिकाको मेयरमा उम्मेदवारी दिन १ बजे जाने तयारी भएको छ ।

नेपाली कांग्रेसले आधिकारिक रुपमा नाम सार्वजनिक नगरेपनि काठमाडौं महानगर समितिले पार्टीको तर्फबाट महानगरको प्रमुख, उपप्रमुख, वडा अध्यक्ष र सदस्यहरुको उम्मेदवारी दर्ता गराउन १ बजे शान्ति वाटिकामा भेला हुने कार्यक्रम राखेको छ । शान्ति वाटिका रत्नपार्कमा भेला भएर बाजा गाजासहित उम्मेदवारी दर्ता गराउन जाने कांग्रेस महानगर समितिले जनाएको छ ।