तारा एयरको जहाज दुर्घटनाग्रस्त अवस्थामा भेटियो

काठमाडौं । हिजो बिहादेखि हराइ रहेको तारा एयरको जहाज दुर्घटनाग्रस्त अवस्थामा भेटियो छ ।

नेपाली सेनाका अनुसार मुस्ताङको थासाङ गाउँपालिका वडा नम्बर २ मा जहाज दुर्घटनाग्रस्त अवस्थामा फेला परेको हो ।

नेपाली सेनाका प्रवक्ता सहायक रथी नारायण सिलवालले तारा एयरको जहाज मुस्ताङको थासाङ-२ मा दुर्घटनाग्रस्त अवस्थामा फेला परेको पुष्टि गरे ।

मुस्ताङ उडेको तारा एयरको ९ एन एइटी जहाज हिजो बिहान १० बजेर ७ मिनेटमा जोमसोम विमानस्थलको टावरसँग सम्पर्कमा थियो । त्यसपछि सम्पर्कबिहीन भएको थियो । क्याप्टेन प्रभाकर घिमिरेले उडाएका जहाजमा जर्मन र भारतका नागरिक पनि रहेका थिए । १९ यात्रु र चालक दलका सदस्य तथा अन्य सदस्य समेत रहेका उक्त जहाज आज बिहान दुर्घटनाग्रस्त अवस्थामा नेपाली सेनाले फेला पारेको छ ।

थप विवरण संकलन गर्ने काम भइरहेको नेपाली सेनाले जनाएको छ ।