पहिलो पटक नेपडेण्ट एक्स्पो सुरु हुदै

काठमाडौं । पहिलो पटक डेण्टल एक्स्पो तथा कन्फ्रेन्स हुने भएको छ । शुक्रबार देखि लतिलपुरको गोदावरीमा हुने प्रथम डेण्टल एक्स्पो (नेपडेण्ट)मा ७० वटा स्टल रहने आयोजकले जनाएको छ ।

दन्त सामग्री वितरकहरुको संघले नेपाल डेण्टल एशोसिएसनको सहकार्यमा पहिलो पटक अन्तर्राष्ट्रिय स्तरको नेपडेण्ट एक्स्पो गर्न लागेको हो ।

२२ देखि २४ गतेसम्म सञ्चालन हुने एक्स्पोमा भारत, चीन, बंगलादेश, पाकिस्तान, अमेरिका लगायत बिभिन्न देशका चिकित्सकहरुको सहभागीता रहने छ ।

७० बढी स्टल र १ सय भन्दा बढी ब्राण्डका सामग्रीहरु राखिने दन्त सामग्री वितरकहरुको संघका अध्यक्ष शालिकराम अर्यालले जानकारी दिए । ५ विदेशी र १३ नेपाली विज्ञहरुले छुट्टा छुट्टै प्रस्तुति दिने छन् । एक्स्पोमा करिब ३५ सय जनाले अवलोकन गर्ने आयोजकको अनुमान छ ।