आज आठौं राष्ट्रिय योग दिवस मनाइँदै

काठमाडौं । आज आठौं राष्ट्रिय योग दिवस विभिन्न कार्यक्रम गरी मनाइँदै छ । ‘स्वस्थ जीवनको चाहना : योग, शिक्षा र साधना’ भन्ने नाराका साथ मनाउन लागिएको यस वर्षको योग दिवसको अवसरमा विभिन्न कार्यक्रमको आयोजना गरिएको ।

२०७२ साउन २८ गतेको मन्त्रिपरिषदको बैठकले माघ १ गते राष्ट्रिय योग दिवस मनाउने औपचारिक निर्णय गरेको थियो ।

प्राचीनकालमा योग, ध्यान र आयुर्वेदका माध्यमबाट मानसिक शान्ति एवं स्थिरता र आरोग्यता प्राप्ति हुन्थ्यो । तर, आधुनिक युगको प्रभावमा यसलाई बिर्सिएका नेपाली युरोप र अमेरिकामा उपचार र सुख शान्तिका लागि बढी प्रयोगमा आउन थालेपछि योगतिर आकर्षित हुन थालेका हुन् ।

योग र ध्यान साधनाका लागि उत्तरायण महत्त्वपूर्ण मानिने भएकाले उत्तरायण सुरु हुने पहिलो दिन मकर सङ्क्रान्ति अर्थात् माघ १ गतेलाई सरकारले राष्ट्रिय योग दिवस घोषणा गरेको हो । यस अवसरमा भक्तपुरको सानो ठिमीमा मूल कार्यक्रम गर्न लागिएको छ ।