मैतीदेवीको खप्तड डेण्टल क्लिनिकसँगैको सडकमा कालोपत्रे

काठमाडौं । मैतीदेवीस्थित खप्तड डेण्टल क्लिनिकसँगैको सडकमा कालोपत्रे गरिएको छ ।

काठमाडौं महानगरपालिकाले मैतीदेवी प्रहरी बिटमा केही दिन अगाडि डोजर लगाएको थियो । उक्त ठाउँमा आज कालोपत्रे गरेर चिटिक्क बनाएको हो ।

काठमाडौं महानगरपालिका भत्काएर त्यसै छोड्ने आरोप लाग्न थालेपछि भत्काएर बनाउन थालेको हो । प्रहरी बिट भत्काउदा उडेको धुलोले समस्या देखिन थालेपछि महानगरले आज कालोपत्रे गरेको हो ।

उक्त ठाउँमा विभिन्न स्वास्थ्य संस्था रहेका छन् । धुलोले जन स्वास्थ्यमा समेत असर पर्न थालेको थियो । काठमाडौं महानगरपालिकाले जनगुनासोलाई सम्बोधन गर्दै कालोपत्रे गरेर सडक फराकिलो र चिटिक्क बनाएको छ ।