काठमाडौं महानगरको स्वास्थ्य विभाग प्रमुखमा पौडेल

काठमाडौं । काठमाडौं महानगरपालिकाको स्वास्थ्य विभाग प्रमुखको जिम्मेवारी राम प्रसाद पौडेलले पाएका छन् । उनलाई स्वास्थ्य क्षेत्रमा सुधारका लागि जिम्मेवारी दिइएको हो।

काठमाडौं महानगरपालिकाका राजस्व, सामाजिक जस्ता विभिन्न विभागको प्रमुख भएर काम गरिसकेका पौडेल स्वास्थ्य विभागको प्रमुख बनेका हुन् । काठमाडौं महानगरपालिकाले प्रत्येक वडामा सहरी स्वास्थ्य प्रवर्द्धन केन्द्र खोल्न लागिरहेका बेला उनलाई प्रमुखको जिम्मेवारी दिइएको हो ।

काठमाडौं महानगरपालिका वडा नम्बर २९ घट्टेकुलो निवासी पौडेल वडा सचिवको भूमिकामा रहेर समेत काम गरिसकेका छन् । उनले स्वास्थ्य क्षेत्रमा विशेष योगदान दिने विश्वास व्यक्त गरिएको छ ।