काठमाडौं । अन्तर्राष्ट्रिय पुस्तक दिवसको अवसर पारेर अन्तर्राष्ट्रिय नेपाली साहित्य समाज बेलायत च्याप्टरले कवि माया गुरुङका दुई कवितासङ्ग्रह ‘ऐना’ र ‘बाका जुत्ता’को लोकार्पण गरिएको छ । आर्मी स्वास्थ्यसेवामा सहायक नर्ससमेत रहिसकेकी गुरूङको ऐना’ र ‘बाका जुत्ता’कवितासङ्ग्रह बजारमा आएको हो । यसले साहित्यिक क्षेत्रमा नयाँ इट्टा थपेको टिप्पणी हुन थालेको छ ।
सामाजिक विकास समाज, अनामनगरको सभाकक्षमा आयोजित एक कार्यक्रमकाबीच कवि गुरुङका ‘ऐना’ र ‘बाका जुत्ता’ कवितासङ्ग्रहको लोकार्पण गरिएको हो ।
कार्यक्रमका प्रमुख अतिथि राष्ट्रिय सूचना आयोगका माननीय प्रमुख आयुक्त महेन्द्रमान गुरुङले विशेष समारोहकाबीच कवितासङ्ग्रहको लोकार्पण गरेका हुन् ।
।
कार्यक्रममा कवि माया गुरुङ, श्रीमान् विजय गुरुङलाई सम्मान पनि गरिएको थियो । त्यस्तै अनेसास पूर्व केन्द्रीय अध्यक्ष राधेश्याम लेकालीले लेकाली अध्यक्ष भएको बेला बेलायतमा आयोजना गरिएको छैटौं अन्तर्राष्ट्रिय नेपाली साहित्य सम्मेलनको आयोजनामा योगदान पुर्याएवापत सुमलकुमार गुरुङ र सारा गरुङलाई विशेष सम्मान गरिएको छ ।कार्यक्रमका प्रमुख अतिथि प्रमुख सूचना आयुक्त महेन्द्रमान गुरुङलाई मायाको चिनो प्रदान गरिएको थियो ।
अनेसासका पूर्व केन्द्रीय उपाध्यक्ष एवं बेलायत च्याप्टरक पूर्व अध्यक्ष साहित्यकार सुमलकुमार गुरुङको अध्यक्षतामा आयोजित सो समारोहमा प्रमुख अतिथिलगायत वरिष्ठ इतिहासविद् प्रा. डा. सुरेन्द्र के.सी., अनेसासका पूर्व केन्द्रीय अध्यक्ष राधेश्याम लेकाली, साहित्यिक पत्रकार संघका पूर्व अध्यक्ष नरेन्द्रबहादुर श्रेष्ठ, नेपाल स्रष्टा समाजका अध्यक्ष श्रीओम श्रेष्ठ ” रोदन”, नेपाल मुक्तक प्रतिष्ठानका अध्यक्ष रामकाजी कोने, समालोचकहरु प्रा. डा. गोविन्दमान सिंह कार्की र डा. शान्तिमाया गिरी, गुरुङ भाषा शब्दकोषका लेखक रत्नबहादुर गुरुङलगायतले सामूहिक रुपमा लोकार्पण गरिएको हो ।
कार्यक्रममा समालोचकहरु प्रा. डा. गोविन्दमान सिंह कार्की र डा. शान्तिमाया गिरीले लोकार्पित पुस्तकहरुका बारे समिक्षात्मक मन्तव्य राखेका थिए।
यसैगरी कार्यक्रममा साहित्यकारहरु श्रीओम श्रेष्ठ ” रोदन”, अनेसास केन्द्रीय उपाध्यक्ष डा. रेणु थापा “सोलु”, राधेश्याम लेकाली, रामकाजी कोने, रत्नबहादुर गुरुङ, प्रा. डा. सुरेन्द्र के.सीलगायतले आ-आफ्नो शुभकामना मन्तव्य राखेका थिए। यसैगरी अध्यक्ष सुमलकुमार गुरुङले सभापतीय मन्तव्य र लोकार्पित पुस्तकका लेखक माया गुरुङले लेखकीय मन्तव्य राखे । अनेसास बेलायत च्याप्टर कार्यसमिति सदस्यहरु कवि सारा गुरुङले स्वागत र विजय गुरुङले धन्यवाद ज्ञापन गरेका थिए ।
लोकार्पित पुस्तकबाट अनेसास केन्द्रीय पुरस्कार समितिकी सदस्य दीपा राई पुनले कविता वाचन र सारा गुरुङले कविता गायन गर्नु भएको थियो भने चर्चित लोकगायिका शर्मिला गुरुङले मन्तव्यसहित गीत गाइन् । कार्यक्रमको संचालन साहित्यकार सुमन वर्षाले गरेका हुन् ।
कार्यक्रममा जनजाति पत्रकार महासंघका निवर्तमान अध्यक्ष डण्ड गुरुंङ, साहित्यकारहरु हिरण्यकुमारी पाठक, विमल भौकाजी, शंकर भारती, शिव प्रधान, अश्विनी कोइराला निर्मलरमण पराजुली, मुरारि सिग्देल, रमेश दाहाल, द्वारिका कुँइकेल, नीता श्रेष्ठ, राज रजक, विक्रमभक्त जोशी, दुर्गाकिरण तिवारी, डी. आर. राई, मनिला वन्त, एलिना श्रेष्ठ, द्वारिका ढुंगानासहित साहित्यिक व्यक्तित्वहरु, लेखक, पत्रकार तथा बुद्धिजीवीलगायतको बाक्लो उपस्थिति रहेको थियो ।
क्याटेगोरी :
समाचार
तपाईको प्रतिक्रिया दिनुहोस