चन्द्र भण्डारी भेट्न पुगे प्रकाशमान, स्वास्थ्यमा उल्लेख्य सुधार

काठमाडौं । कांग्रेस नेता प्रकाशमान सिंह स्वास्थ्य लाभ गरिरहेका चन्द्र भण्डारीलाई भेट्न बत्तिसपुतली पुगेका छन् ।

आफन्तको घरमा आराम गरिरहेका भण्डारीको स्वास्थ्य अवस्था बुझ्न उनी बत्तिसपुतली पुगेका हुन् ।

आगोले जलेर दुईमहिना बढी भारतमा उपचार गराएर फर्किएका भण्डारीको स्वास्थ्यमा उल्लेख्य सुधार भएको छ । बुद्धनगरस्थित घरमै आगोले जलेका भण्डारी भारत उपचारपछि नेपाल फर्किएर बत्तिसपुतलीस्थित आफन्तको निवासमा बस्न थालेका हुन् ।

बत्तिसपुतलीस्थित भण्डारीले आराम गरिरहेको ठाउँमा सिंहसँगै पुगेका युपी लामिछानेका अनुसार उनले भण्डारीको स्वास्थ्य अवस्थाको बारेमा जानकारी लिएका छन् । नेता सिंहले भण्डारीको स्वास्थ्य लाभको कामना समेत गरेका छन् ।