लायन्स क्लब अफ काठमाडौंको स्वास्थ्य शिविर सम्पन्न

काठमाडौं । लायन्स क्लब अफ काठमाडौंद्वारा आयोजित शिविर सम्पन्न भएको छ । काठमाडौंको थापागाउँ बानेश्वरस्थित एक्सेल कलेजमा आयोजना गरिएको स्वास्थ्य शिविरमा १ सय ४५ जनाले आँखा र १ सय ५७ जनाले दाँतको परीक्षण गराएका छन् ।

स्वास्थ्य शिविरका संयोजक एवं लायन्स क्लब अफ काठमाडौंका कोषाध्यक्ष विराटप्रकाश मैनालीका अनुसार २७ जनाले रक्तदान समेत गरेका छन् । शुक्रबार बिहान साढे ९ बजेदेखि २ बजेसम्म सञ्चालित स्वास्थ्य शिविरमा उल्लेख सहभागिता रहेको मैनालीले बताए ।

लायन्स क्लब अफ काठमाडौंले नियमित रूपमा स्वास्थ्य शिविर र रक्तदान कार्यक्रम राख्दै आएको छ ।