उपेन्द्र यादवले स्वास्थ्यमन्त्रीको पदभार सम्हाले

काठमाडौं । जसपाका अध्यक्ष उपेन्द्र यादवले उपप्रधान एवं स्वास्थ्यमन्त्रीको पदभार सम्हालेका छन् । राष्ट्रपति निवास शीतल निवासबाट सपथ खाएर रामशाहपथमा आई स्वास्थ्यमन्त्रीको पदभार ग्रहण गरेका हुन् ।

प्रधानमन्त्री पुष्पकमल दाहाल प्रचण्डले उपेन्द्रलाई आजै उपप्रधान एवं स्वास्थ्य तथा जनसंख्यामन्त्रीमा नियुक्त गरेका हुन् । नियुक्ति लगत्तै उनी राष्ट्रपति रामचन्द्र पौडेलसँग सपथ ग्रहण गरेर रामशाहपथ पुगेका छन् । तत्कालीन केपी शर्मा ओली नेतृत्वको सरकारमा पनि उनी उपप्रधानसहित स्वास्थ्यमन्त्रीको भूमिकामा थिए । उपेन्द्र फेरि पुरानै भूमिकामा फर्किएका छन् ।