सप्तकोशीमा खसेको बसमा रहेका यात्रु सुरक्षित

सुनसरी। विराटनगरबाट हिँडेको यात्रुबहाक बस सप्तकोशी नदीमा खसेको छ ।  कोशी ब्यारेजको पुलबाट बस खसेको जानकारी आएको सुनसरी प्रहरीले जनाएको छ । उक्त बसमा सवार यात्रु भने सुरक्षित रहेका छन्।

यात्रुसहित बस सप्तकोशी नदीमा खसेको जानकारी आएपछि आफूहरु घटनास्थलतर्फ जाँदै गरेको सुनसरीका प्रमुख जिल्ला अधिकारी रामचन्द्र तिवारीले जानकारी दिए । साँझ ६ः०५ बजेतिर बस खसेको अनुमान छ । बस अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । बसबाट २० जना यात्रु सकुशल उद्धार गरिएको छ।