घटस्थापनामा स्वास्थ्यका गाडी पुजा

काठमाडौं । आज देशभर घटस्थापना मनाइँदै छ । घटस्थापना दिन जमरा राख्ने प्रचलन छ । कतिपय ठाउँमा पूजा गरेर घटस्थापना मनाइएको छ ।

स्वास्थ्य  तथा जनसंख्या मन्त्रालयमा सवारी साधन पुजा गरेर घटस्थापना मनाइँदै छ । घटस्थापनाको अवसरमा स्वास्थ्य तथा जनसंख्या मन्त्रालयलाई चिटिक्क बनाइएको छ।

सवारीसाधन र संरचनाहरू सफा गरेर पूजा गर्ने काममा स्वास्थ्य मन्त्रालयका कर्मचारीहरु खटेका छन् । स्वास्थ्य मन्त्रालयको अवस्था हेर्दा पनि दशैं लागेको अनुभूति सहजै हुन्छ ।