दोलखाको शैलुङमा ३ दिने आँखा शिविर सुरू

काठमाडौं। दोलखाको शैलुङमा ३ दिने आँखा शिविर सुरु भएको छ। माट्रिका आइ सेन्टरको प्राविधिक सहयोग र फाइट फर लाइफ नेपालको संयोजनमा हुने नि:शुल्क मोतिबिन्दु शल्यक्रिया आँखा शिविर सुरु भएको हो। सोमबारदेखि सुरू भएको आँखा शिवर बुधबारसम्म चल्ने आयोजक संस्थाले जनाएको छ।

दोलखको शैलुङ बैसेस्थित शारदा माध्यमिक विद्यालयमा उक्त आँखा शिविर सञ्चालन भइरहेको छ। नि:शुल्क आँखाको शल्यक्रिया र नि:शुल्क चश्मा वितरण गर्ने कार्य भइरहेको र स्थानीय जनताको बाक्लो उपस्थिति रहेको आयोजक संस्थाको भनाइ छ।

शैलुङ गाउँपालिका वडा नं ८, लायन्स कल्ब अफ काठमाडौं गौरीशंखर, लायन्स कल्ब काठमाडौं टेम्पल भ्याली क्योकुशिन कराँत, लाइन्स कल्ब अफ काठमाडौं शेषमतिको संयुक्त आयोजनामा सुरु भएको उक्त आँखा स्वास्थ्य शिविर बुधबारसम्म चल्ने छ ।