ढुण्डीराज लामिछाने तथ्याङ्क समूहको सहसचिवमा बढुवाका लागि सिफारिस

काठमाडौं। उपसचिव ढुण्डीराज लामिछाने तथ्याङ्क समूहको सहसचिवमा बढुवाका लागि सिफारिस भएका छन्। उनी जेष्ठता र कार्यसम्पादन मूल्याङ्कनद्वारा बढुवाका लागि सिफारिस भएका हुन्।

संघीय मामिला तथा सामान्य प्रशासन मन्त्रालय अन्तर्गत रहेको बढुवा समितिको सचिवालयले नेपाल आर्थिक योजना तथा तथ्याङ्क सेवा, तथ्याङ्क समूहको सहसचिव (प्रथम श्रेणी)मा ढुण्डीराज लामिछानेलाई बढुवा गर्न सिफारिस गरेको छ। ३५ दिनपछि उनी तथ्याङ्क समूहको सहसचिव बन्नेछन्।

त्यस्तै नेपाल इन्जिनियरिङ सेवा, सिभिल इन्जिनियरिङ समूह/जनरल उपसमूहको राजपत्राङ्कित प्रथम श्रेणी (सहसचिव)मा बढुवाका लागि राजकुमार गोइत र पुष्करप्रसाद पोखरेल सिफारिस भएका छन्।