रजनी थापा नेपाल जेसीजको वर्ष २०२५ का लागि राष्ट्रिय अध्यक्षमा निर्वाचित

काठमाडौं। रजनी थापा नेपाल जेसीजको वर्ष २०२५ का लागि राष्ट्रिय अध्यक्षमा निर्वाचित भएकी छिन्। ७ सय ६२ मत ल्याएर थापा नेपाल जेसीज वर्ष २०२५ का लागि राष्ट्रिय अध्यक्षमा निर्वाचित भएकी हुन्। उनका निकटतम प्रतिद्वन्द्वी जीवन कार्कीले ४ सय ५३ मत ल्याएका छन्।

सुनसरीको ईटहरीमा सम्पन्न नेपाल जेसिज को ५१ औं राष्ट्रिय महाधिवेशनबाट राष्ट्रिय अध्यक्ष पदमा मनोहरा जेसिज बर्ष २०१९ की अध्यक्ष जेसी थापा निर्वाचित भएकी हुन्।

जेसीजको राष्ट्रिय कार्यकारिणी उपाध्यक्षमा गणेश सापकोटा, एलिना श्रेष्ठ, कृष्ण सापकोटा र सौरभ श्रेष्ठ निर्वाचित भएका छन्। राष्ट्रिय उपाध्यक्षमा भने सन्दिप खत्री, दिपक अधिकारी धनराज कंडेल, सुजन थापा काजी, संगम कार्की, वविता पाण्डे, अभिषेक दुलाल, सुमित्रा भट्टराई, उज्जवल काबरा, सुवास गौतम, राघव कोइराला र मनिप्रसाद अर्याल निर्वाचित भएका छन्।