सेभ द चिल्ड्रेनद्वारा सरकारलाई सात गाडी हस्तान्तरण

काठमाडौं । सेभ द चिल्ड्रेनले सरकारलाई सात वटा गाडी उपलब्ध गराएकाे छ । १ कराेड ९४ लाखमा खरिद गरिएका सातवटा गाडी स्वास्थ्य सेवा बिभाग व्यवस्थापन महाशाखालाइ हस्तान्तरण गरिएकाे हाे ।

अधिकारीहरुले उक्त गाडी स्वास्थ्य सामग्री ढुवानीमा प्रयाेग हुने बताएका छन् । सुरुमा तिन वटा मात्रै गाडी दिने तयारी गरेकाे सेभले स्वास्थ्य सेवा बिभागकाे महानिर्देशककाे आग्रह अनुसार चार वटा थपेर सात प्रदेशका लागि किनेकाे हाे ।

सेभ द चिल्ड्रेनले उक्त गाडी सात प्रदेशका मेडिकल स्टाेरहरुमा पठाइने जनाएको छ । उक्त गाडी बिभागलाइ हस्तान्तरण गरेपनि नमुना चाबी स्वास्थ्यमन्त्री प्रदिप पाैडेलले बुझेका थिए । सेभ द चिल्ड्रेनले सरकारकाे समस्यमा आवश्यक सहयोग गर्दै आएको छ ।