नकुल रायामाझी नेपाली सेनाको उपरथीमा बढुवा

काठमाडौं। नेपाली सेनाका सहायक रथी नकुल रायमाझी उपरथीमा बढुवा भएका छन्। मंगलबार साँझ प्रधानमन्त्री निवास बालुवाटारमा बसेको मन्त्रिपरिषद्को बैठकले उनलाई उपरथीमा बढुवा गर्ने निर्णय गरेको हो।

त्यस्तै मन्त्रिपरिषद्को बैठकले सुनिलसिंह राठौर र दिपेन्द्र गुरुङ नेपाली सेनाको सहायक रथीमा बढुवा गर्ने निर्णय गरेको छ। सशस्त्र प्रहरी बलका ४ जना नायव महानिरीक्षक (डिआईजी) कमल गिरी, गणेश ठाडा, कुलबहादुर नेम्वाङ र सम्भु सुवेदीको १ वर्ष पदावधि थप गर्ने निर्णय पनि मन्त्रिपरिषद्को बैठकले गरेको हो।