५८ मध्ये २२ जनाले मात्रै अतिरिक्त सचिवमा जाने मन गरे (हेर्नुहोस् सूची)

काठमाडौं । स्वास्थ्य तथा जनसङ्ख्या मन्त्रालयको अतिरिक्त सचिव (१२ तह) का लागि ५८ जना योग्य कर्मचारीमध्ये उक्त पदमा २२ जनाले मात्रै जाने मन गरेका छन् । अधिकांश कर्मचारीहरुले योग्यता पुगे पनि अहिले नै अतिरिक्त सचिवमा जाने इच्छा देखाएका छैनन्।

जागिरको अवधि धेरै बाँकी रहेका कारणले पनि उनीहरु तत्काल उक्त पदमा जान इन्कार गरेकाे बुझिन्छ। अतिरिक्त सचिव भएको पाँच वर्षमा अवकाश पाउने कानुनी प्रावधान छ। त्यसैले पनि धेरै कर्मचारी पाँच वर्षमा आफ्नो सरकारी सेवालाई तिलाञ्जली दिने पक्षमा छैनन् ।

गत चैत ६ गतेबाट १५ दिनको समय दिएर खाली रहेको अतिरिक्त सचिव पदका लागि स्वास्थ्य तथा जनसङ्ख्या मन्त्रालयले सूचना जारी गरेको थियो। अतिरिक्त सचिवका लागि एघारौं तहका कर्मचारीमध्ये ५८ जनाले नियमत फारम भर्न पाउने थिए। तर समय आज सकिएको छ। यस अवधिमा २२ जनाले मात्रै अतिरिक्त सचिव बन्न म योग्य छु भन्दै स्वास्थ्य तथा जनसङ्ख्या मन्त्रालयमा आफ्ना सबै कागजपत्र बुझाएका छन्।

बिगतदेखि नै एक नम्बरमा रहदै आएका डा. श्रीकृष्ण श्रेष्ठले यसपटक चाहिँ अतिरिक्त सचिव बन्नका लागि इच्छा जाहेर गरेको देखिएको छ। यसले पनि दुई जना १२ तहमध्ये श्रेष्ठ एकजना नियुक्ति हुने करिब करिब पक्का छ। त्यस्तै डा. सुधा देवकोटा पनि यसपटक १२ तह हुने लगभग पक्का जस्तै छ।

किनभने विगतमा अन्यायमा परेकी सुधा यसपटक राम्रो नम्बरसहित अग्रपंक्तिमा छन्। ठिकै छ, जे होस् केही नम्बर जोड्न बाँकी रहेकाले सूची तल माथि नहोला भन्न चाहिँ सकिन्न। तथापि नियमसम्मत र पक्षपात रहित ढंगले नम्बर जोडेको खण्डमा श्रेष्ठ र देवकोटा बाह्रौं तह बन्ने करिब करिब पक्का छ ।
बाह्रौं तहमा आंकाक्षी २२ जनाको सूची

डा. दिपक थापा
डा. संजय कुमार ठाकुर
डा. राजन पाण्डे
डा. श्रीकृष्ण श्रेष्ठ
डा. किरणमणि पौडेल
डा. यदुचन्द्र घिमिरे
डा. सरोज शर्मा
डा. विष्णु प्रसाद शर्मा
डा. प्रभा चापागाँई
डा. कृष्णप्रसाद पौडेल
डा. केशर बहादुर ढकाल
डा. वासुदेव उपाध्याय
डा. श्रवण कुमार थापा
डा. सुधा देवकोटा
श्री दुर्गा लक्ष्मी श्रेष्ठ
डा. रुना झा
श्री नारायण प्रसाद ढकाल
डा. अजित रायमाझी
डा. चुमनलाल दास
डा. चन्द्रभाल झा
डा. प्रविन श्रेष्ठ
डा. डेला सिंह जोशी