सहसचिवको दरबन्दी जाने पहुँचवाला उपसचिव सिडिओलाई हटाएर सहसचिव खटाइयो

काठमाडौं। सहसचिवको दरबन्दी जाने पहुँचवाला उपसचिव सिडिओ हटाएर सहसचिव पठाएको छ। अर्घाखाँची र प्युठानका उपसचिव सिडिओलाई मन्त्रालय तानेर सहसचिव पठाइएको हो।

शुक्रबार गृह मन्त्रालयले सहसचवको दरबन्दीमा गएका अर्घाखाँचीका प्रमुख जिल्ला अधिकारी बाबुराम अर्याल र प्युठानका प्रमुख जिल्ला अधिकारी रमा आचार्य (सुवेदी)लाई गृह मन्त्रालय तानिएको हो। अर्यालको ठाउँमा मन्त्रालयको जगेडामा रहेका वेदप्रसाद खरेल र प्युठानको सिडिओमा सहसचिव दिपकराज नेपाललाई पठाइएको हो।

अवकाशको मुखमा रहेका कञ्चनपुरका सिडिओ नारायणप्रसाद सापकोटालाई मन्त्रालय तानेर जगेडामा रहेका सहसचिव लक्ष्मण ढकाललाई कञ्चनपुरमा पठाइएको छ। लमजुङका सिडिओ  बुद्धबहादुर गुरुङलाई गृह मन्त्रालयमा तानेर मन्त्रालयबाट सहसचिव माधवप्रसाद पोखरेललाई लमजुङको सिडिओ पठाइएको हो। लामो समयदेखि स्याङ्जाका सिडिओमा अडिएकी  सुनिता नेपाललाई गृह मन्त्रालय तानेर गृह छिरेका सहसचिव ईश्वरीप्रसाद अर्याललाई स्याङ्जाको सिडिओमा पठाइएको छ।