डेढ महिनामा जोडिए ४५ अक्सिजन प्लान्ट

काठमाडौं । गत वर्ष जब दुनियाँभर नेपालमा कोभिडको पहिलो लहर आयो, त्यही वेला देशका ठेला अस्पतालमा अक्सिजन प्लान्ट बिग्रिए । मुलुकले आस गरेका अस्पतालमा अक्सिजन प्लान्ट बिग्रिएपछि विपन्नको सहारा टुट्यो । गत बैशाख ९ गते सम्म देशभर १६ वटा अक्सिजन प्लान्ट संचालनमा थिए । भएका अक्सिजन प्लान्ट पनि निजीमा थिए ।

विपन्नको पहुँचमा रहेका र देशलेनै आस गरेको वीर अस्पताल, पाटन अस्पताल, वीपी कोइराला स्वास्थ्य विज्ञान प्रतिष्ठान धरान, पोखरा स्वास्थ्य विज्ञान प्रतिष्ठान, शिक्षण अस्पतालका हजारौं सिलिण्डर भर्ने क्षमता भएका प्लान्ट महामारीमै बिगारीएको थियो । अस्पताल प्रशासनले बनाउने भन्दा नयाँ खरिद गर्ने तर्फ सोच्न थालेको थियो ।

तिब्र रुपमा कोरोना संक्रमण फैलिए पछि अक्सिजन अभाव भयो । आवश्यक मात्रामा उद्योगहरुले अक्सिजन दिन नसक्दा कयौँ नागरिकको ज्यान गयो । देशभर करिब ३० अक्सिजन उद्योग छन् । उनिहरुले सत प्रतिशत उत्पादन गर्दा पनि दैनिक ५ हजार सिलिण्डर अभाव भइरहेको छ ।

स्वास्थ्य तथा जनसंख्या मन्त्रालयले ३० बैशाखमा सबै अस्पताललाई १५ दिन भित्र आफ्नै अक्सिजन प्लान्ट जडान गर्न निर्देशन दिएको थियो । उक्त निर्देशन पछि धमाधम प्लान्ट जाडन हुने क्रम जारी छ ।

स्वास्थ्य मन्त्रलायका सहायक प्रवक्ता डा समिर अधिकारीका अनुसार डेढ महिनामा ४५ वटा नयाँ प्लान्ट जडान भएका छन् । बुधबार सम्म मुलुकभर ६१ अक्सिजन प्लान्ट संचालनमा छन् ।

सरकारले अस्पतालमा अक्सिजन प्लान्ट जडानका लागि सहुलियत दिने, भन्सार छुट गर्ने लगायतको निर्णय सरकारले गरेको छ । देशभरका ५८ अस्पतालमा ६१ वटा आफ्नै अक्सिजन प्लान्ट रहेको छ ।

कहाँ कहाँ बने अक्सिजन प्लान्ट