एनएचआरसी र नेपाल इन्टेन्सीभ केयरबीच तथ्यांक राख्नेबारे संझाैता 

काठमाडौ । नेपाल स्वास्थ्य अनुसन्धान परिषद र नेपाल इन्टेन्सीभ केयर रिसर्च फाउण्डेसनबीच इन्टेन्सिभ केयर सम्बन्धि एकिकृत तथ्यांक राख्ने  विषयमा सम्झौता भएको छ ।

परिषदका सदस्य सचिव डा. प्रदिप ज्ञावली र फाउण्डेसनका अध्यक्ष डा. हेम राज पनेरुले एक कार्यक्रमका बिच संझाैला पत्रमा हस्ताक्षर गरेमा हुन् ।
नेपालमा सघन उपचार कक्ष आइसियु/ भेन्टिलेटरमा माम गर्न सक्ने र साेही विद्याका कति जनशक्ति छन् भन्ने आधिकारिक तथ्यांक छैन । उक्त तथ्यांकलाई समय अनुकुल परिस्कृत गर्ने र यथेष्ट संख्या राख्न अनुसन्धान परिषद र फाउन्डेसन बीच सहमति भएकाे हाे ।

सम्झौतामा लेखिएको छ, इन्टेन्सिभ केयर सम्बन्धि सम्पूर्ण  तथ्यांक एकै ठाउँमा उपलब्ध गराउनको लागि काम सुरु गर्ने उल्लेख छ । तथ्यांकहरु एकिकृत रुपमा संकलन हुन थाले पछि सो विषयमा अध्ययन अनुसन्धान गर्न सहज हुने परिषदका सदस्य सचिव डा. ज्ञावलीले बताए ।

एकिकृत तथ्यांक संकलनले देशभरका कुन अस्पतालमा कति आईसियू छन्, कति भेन्टीलेटर छन् त्यो एकै ठाउँबाट हेर्न मिल्ने उनको दावी छ । ‘यो काम भएपछि कुन अस्पतामा कति आईसियू भेन्टीलेटर कति छन्? देशभरी कति छन् भनेर अनलाइनबाटै हेर्न सकिनेछ ।’, उनले भने ‘यसबाट एकै ठाउँबाट तथ्यांक लिन सकिन्छ भने अर्को अध्ययन अनुसन्धान गर्नको लागि तथ्यांक पनि एकिकृत रुपमा नै उपलब्ध हुन्छ ।’

सम्झौतामा प्रविधिक र व्यवसायिक दक्षता बढाउने पाटोमा परिषदले सहयोग गर्ने र तथ्यांक संकलन गर्न  विस्तृत काम फाउण्डेसनले गर्ने उल्लेख छ ।