भारतमा ओमिक्रोन भेरिएन्ट संक्रमित भेटिएसँगै नेपाल खतरामा

काठमाडौं । छिमेकी मित्रराष्ट्र भारतमा कोरोनाको नयाँ  ओमिक्रोन भेरिएन्ट संक्रमित भेटिएसँगै नेपालमा खतरा परेको छ । नेपाल-भारतबीच खुला सीमाना र आवतजावतमा कुनै रोकावट नभएकाले नेपाल पनि ओमिक्रोन भेरिएन्टको खतरामा परेको हो ।

भारतको कर्नाटक राज्यमा ६६ र ४६ वर्षका दुई पुरुषमा कोरोना संक्रमितमा ओमिक्रोन भरिएन्ट भेटिएपछि नेपालमासमेत तरंग पैदा भएको छ ।

नेपालमा पनि यो भेरिएन्ट फैलिन सक्ने भन्दै सरकारले हङकङ, दक्षिण अफ्रिका, नेदरल्यान्डसहितका नागरिकलाई नेपाल आउन रोक लगाएको छ । भारतमा ओमिक्रन देखापरेपछि नेपाल झन सतर्क हुनुपर्ने अवस्था आएको छ ।