डब्ल्यूएचओका महानिर्देशक टेड्रोस आज फर्किदै

काठमाडौं । तीनदिने नेपाल भ्रमणमा आएका विश्व स्वास्थ्य संगठन (डब्ल्यूएचओ)का महानिर्देशक टेड्रोस एड्हानोम गेब्रेयसस आज फर्कदै छन् । उनी आजै बिहान साढे ९ बजे जेनेभा प्रस्थान गर्ने कार्यक्रम रहेको छ ।

महानिर्देशक टेड्रोस फ्लाइट नम्बर EK2356 मार्फत जेनेभा प्रस्थान गर्न लागेका हुन् । डब्ल्यूएचओको दोस्रो कार्यकालका लागि भोट माग्न नेपाल आएका उनी नेपालमा महत्त्वपूर्ण भेटघाट सकेर जेनेभातिर लाग्ने भएका छन् ।

महानिर्देशक टेड्रोसले नेपाल भ्रमणका अवसरमा प्रधानमन्त्री शेरबहादुर देउवा, राष्ट्रपति विद्यादेवी भण्डारी, राष्ट्रिय सभाका अध्यक्ष गणेश प्रसाद तिमिल्सिना, परराष्ट्रमन्त्री डा. नारायण खड्का, स्वास्थ्य तथा जनसंख्यामन्त्री विरोध खतिवडालगायतलाई भेटे ।