सत्यमोहन जोशीको पार्थिव शरीर श्रदाञ्जलीका लागि ललितपुर महानगरमा राखियो

काठमाडौं । दिवंगत शताब्दी पुरुष सत्यमोहन जोशीको पार्थिव शरीर श्रद्धाञ्जलीका लागि ललितपुर महानगरपालिका परिसरमा राखिएको छ । उपचारका क्रममा आज बिहान किष्ट मेडिकल कलेज तथा  शिक्षण अस्पतालमा निधन भएका जोशीको पार्थिव शरीर श्रद्धाञ्जलीका ललितपुर महानगरपालिका परिसरमा राखिएको हो ।

जोशीको पार्थिव शरीरलाई प्रधानमन्त्री शेरबहादुर देउवालाई राष्ट्रिय झण्डा ओढाएर  श्रद्धाञ्जली अर्पण गरेका छन् ।  श्रद्धाञ्जली दिनका लागि विशिष्ट व्यक्तिहरू महानगर परिसरमा पुग्न थालेका छन् । प्रधानमन्त्री देउवा, पूर्व प्रधानमन्त्री पुष्पकमल दाहाल प्रचण्ड, मन्त्रीहरू, उच्च कर्मचारीहरू, कलकारहरु श्रद्धाञ्जली दिनका लागि महानगर परिसरमा पुगेका हुन् ।

जोशीको पार्थिव शरीरलाई अन्तिम श्रद्धाञ्जली दिइसकेपछि किष्ट मेडिकल कलेज तथा शिक्षण अस्पतालमै फिर्ता पठाइने ललितपुर महानगरपालिकाका मेयर चिरिबाबु महर्जनले जानकारी दिए ।