निर्वाचनमा ३३ प्रतिशत महिला नहुनु लज्जाको विषय होः सुजाता कोईराला 

काठमाडौं । आगामी मंसिर ४ गते हुने प्रतिनिधिसभा सदस्य उम्मेदवारका रुपमा मोरङ क्षेत्र नम्बर २ बाट निर्वाचन लड्दैछु । यो निर्वाचन क्षेत्र बुवा गिरिजाप्रसाद कोईराला, हजुरबुवा कृष्णप्रसाद कोईरालाले पनि प्रजातन्त्रका लागि विगुल फुकेको ठाउँ हो ।

नेपाली कांग्रेसले प्रत्यक्ष तर्फको ९१ सिटका लागि अधिकांश पुरुष उम्मेदवार मैदानमा पठाएको छ । ३३ प्रतिशत महिला अधिकारको कुरा गरेपनि मैदानमा ५ जना मात्रै महिला प्रत्यक्ष निर्वाचनका लागि चुनावी मैदानमा रहेका छन् ।

देशको तोकतान्त्रीक पाटीमा महिलाको अपमान हुनु गम्भीर बिषय हो । ५ जना महिलामध्ये म एक हुँ । थोरै महिला प्रत्यक्ष निर्वाचनमा भाग लिएपनि म महिलाको हक हितमा निरन्तर लडिरहने छु । महिलाका लागि सीपमुलक कार्यक्रम ल्याएर आउँनेछु । आफैं महिला भएको नाताले महिलाको समस्या राम्रोसँग बुझेकी छु । महिलाले महिलालाई भोट दिनेमा पनि म विश्वस्त छु ।

सबै पार्टीका महिलाहरुको समस्या एउटै छ । महिलाको समस्यामा पार्टीगत भिन्नता छैन र हुँदैन । त्यसैले सबै महिलाले मलाई जिताएर पठाउँनुहोस् । तपाईहरुको चाहनाभन्दा बाहिर गएर काम गर्ने छैन । महिलाका लागि तन, मन धनले काम गर्ने छु । समग्रमा ३३ प्रतिशत महिला संसदमा पुर्याउन सकेका छैनौं ।

७७ जिल्लामा ५ जना महिलाले प्रत्यक्षमा निर्वाचन लड्न टिकट पाउँनु भनेको अत्यन्तै लज्जाको विषय हो । त्यसैले अब महिलाहरुलाई अगाडि बढाउनुको विकल्प छैन । महिलाको सशक्तीकरण र आर्थिक विकासका लागि अभियानहरु अगाडि बढाउनु पर्छ । यसमा मेरो विशेष भूमिका रहन्छ ।