राष्ट्रिय फार्मेसी सङ्घ नेपालको अध्यक्षमा गड्तौला

काठमाडौं । राष्ट्रिय फार्मेसी सङ्घ नेपालको अध्यक्षमा क्षितिज गड्तौला चयन भएका छन् ।

नेकपा एमाले निकट फार्मासिस्टहरूको संस्थाको शनिवार सम्पन्न पहिलो सम्मेलनले उपाध्यक्षमा अमृत खनाल, उमा दुलाल र जयबहादुर घलेलाई चयन गरेको छ।

सङ्घको महासचिवमा पृथ्वीराज ढुङ्गेल, सचिवमा अमृत थापा, निश्चल केसी र भूमिका अधिकारी तथा कोषाध्यक्षमा जीवन पौडेलसहितको ३१ सदस्यीय कार्यसमिति चयन गरेको हो ।

राष्ट्रिय स्वास्थ्यकर्मी महासङ्घका उपाध्यक्ष भिमराज सिंहको अध्यक्षतामा भएको सम्मेलनमा महासङ्घका अध्यक्ष डा.झलक गौतम, महासचिव सन्तोष पौडेल, उपमहासचिव हिमालय तिवारी तथा अमृता बराल लगायतको सहभागिता भएको महासङ्घका प्रचार विभाग प्रमुख चन्द्र सुनारले जानकारी दिए ।