प्रचण्ड रातो कार्पेटमा अंगरक्षक बैसाखीमा !

काठमाडौं । प्रधानमन्त्री पुष्पकमल दाहाल ‘प्रचण्ड’लाई रातो कार्पेट मोह बढेको छ । रातो कार्पेटमा टाइ सुट लगाएर खिचेको उनको फोटो जताततै देखिन्छ ।

प्रचण्ड रातो कार्पेटमाथि हिँडेको फोटो सचिवालयले मिडियामा पठाएर प्रचार गर्न खोजेको छ । तर, जनयुद्धका सुप्रीमो प्रचण्डका अंगरक्षक तुल बहादुर घर्ती (मुनाल) उपचार गर्न नसकेर छटपटाइरहेका छन् ।  घर्ती बैसाखीको साहरामा जीवन व्यतीत गरिरहेका छन् ।

प्रधानमन्त्री दाहाल रातो कार्पेटमा रमाइरहेको फोटो मिडियामा आइरहँदा पूर्व अंगरक्षक घर्तीको बैसाखी टेकेर हिँडिरहेको फोटो सामाजिक सञ्जालमा भाइरल छ । प्रचण्डका अंगरक्षक भनिएका घर्तीको उक्त फोटोको यथार्थबारे स्वतन्त्र पुष्टि भने हुन सकेको छैन ।