नियन्त्रित लागुऔषधसहित ३ जना व्यक्तिहरु पक्राउ

काठमाडौं । प्रहरीले नियन्त्रित लागुऔषधसहित ३ जना व्यक्तिहरु पक्राउ गरेको छ । काठमाडौं बुढानिलकण्ठ नगरपालिका वडा नं. २ स्थित एरियाा बाट प्रहरीले नियन्त्रित लागुऔषधसहित ३ जना व्यक्तिहरु पक्राउ गरेको हो ।

पक्राउ पर्नेमा धादिङ घर भई हाल काठमाडौंको बुढानिलकण्ठ बस्ने वर्ष १९ को सुदर्शन दाहाल वर्ष २२ को संसार सिटौला र वर्ष २३ को प्रविना शाही रहेको प्रहरीले जनाएको छ । केही मानिसहरुले नियन्त्रित लागुऔषध बिक्रीवितरण तथा ओसार पसार गर्ने गरेको भन्ने सूचना प्राप्त भएपछि प्रहरीले नियन्त्रणमा लिएको हो ।

प्रहरीका अनुसार प्रहरी प्रभाग बुढानिलकण्ठबाट प्रहरी अधिकृतसहितको प्रहरी टोली खटी गई निगरानी गरी गर्द  ती व्यक्तिहरुको साथमा लागु औषध फेलापरेकोरेकोले बरामद गरी निजहरुलाई नियन्त्रणमा लिइएको हो ।

प्रहरीले DIAZEPAM लेखिएको एम्पुल २०३ थान, PHENERGAN लेखिएको एम्पुल २१४ थान, NOOPHIN लेखिएको एम्पुल २०२ थान र Nitrazepam लेखिएको Tablets ७०९ थान बरामद गरेको छ । त्यस्तै ती व्यक्तिहरुको साथबाट ५० हजार रुपैयाँ नगद समेत बरामद गरेको छ ।

उक्त घटनाको सम्बन्धमा बरामद लागु औषधसहित पक्राउमा परेका ब्यक्तिहरु उपर लागु औषध नियन्त्रण ऐन, २०३३ बमोजिम अनुसन्धान भईरहेको प्रहरीले जनाएको छ ।