एक लाख राशीको “भ्रष्टाचारविरुद्धको गीत प्रतियोगिता”
काठमाडौं । हेम सरिता पाठक फाउण्डेशनले एक लाख रकमको “भ्रष्टाचारविरुद्धको गीत प्रतियोगिता” गर्ने जनाएको छ । उत्कृष्ट शब्दलाई यो प्रतियोगितामा पुरस्कृत गरिने र प्रतियोगिताको समय आगामी २०८० भदौ १५ गतेसम्म तोकिएको नेपाल शाखाका अध्यक्ष एवं प्रतियोगिताका संयोजक राधेश्याम लेकालीले जनाए ।
स्वास्थ्य, शिक्षालगायतका क्षेत्रमा भ्रष्टाचार बढीरहेको अवस्थामा फाउण्डेशनले एक लाख रकमको “भ्रष्टाचारविरुद्धको गीत प्रतियोगिता” गर्ने घोषणा गरेको हो ।
अमेरिकामा बसोबास गर्दै आएका समाजसेवीहरु हेम पाठक र सरिता पाठकले सो रकमको व्यवस्था गरेका हुन् । यसअघि पनि एक लाख रकमको “भ्रष्टाचारविरुद्धको कविता प्रतियोगिता” घोषणा भइसकेको छ ।
फाउण्डेशनले पत्रकारिताका अलावा सङ्गीत र साहित्यमा पुरस्कारहरु प्रदान गर्दै आएको छ । यस्तै नेपालमा स्कुल संचालन, विपन्नवर्गको लागि घर निर्माण र आयमुलक कार्यक्रमको लागि रकम अनुदान तथा अमेरिकामा गरिब नेपाली विद्यार्थीलाई छात्रवृत्तिसमेत उपलब्ध गराउँदै आएको छ ।
भ्रष्टाचारविरूद्घको अन्तर्राष्ट्रिय गीत प्रतियोगिताको
सूचना :
गीतको विषय सन्दर्भ :
भ्रष्टाचार विरूद्ध चेतना जगाउने खालको हुनुपर्नेछ । यस प्रतियोगितामा भाग लिन गीत पठाउने नियम यसप्रकार छन् :
१. आफ्नो गीत इमेल मार्फत पठाउनुपर्नेछ ।
२. गीत रेकर्ड गरेको हुनुपर्नेछ ।
३. कुनै पनि राजनैतिक पूर्वाग्रह र गालीगलौज, साम्प्रदायिक भावनालाई प्रोत्साहित गर्ने विचारहरू र अश्लील शब्दको प्रयोग गरिएको पाइएमा त्यस्ता गीतहरू स्वत: अस्वीकृत हुनेछन् ।
४. एकजना गीतकारले एउटा मात्र गीत पठाउन सक्नेछन । एकभन्दा बढी आएमा स्वतः बदर हुनेछन् ।
५. गीत नितान्त नयाँ र मौलिक हुनुपर्नेछ । गीतकारले आफ्नो रचनाका साथमा आफ्नो छोटो परिचय, पासपोर्ट साइजको फोटो र सम्पर्क ठेगाना पनि पठाउनुपर्नेछ ।
६. प्रतियोगिताका लागि प्राप्त गीतमा अरू कसैको गीतको अंश या नक्कल गरिएको पाइएमा स्वत: अस्वीकृत हुनेछ ।
७. प्रतियोगिताको निर्णयमा कुनै पनि विवाद आएमा अन्तिम निर्णय संयोजकको रहने छ ।
८. गीत प्राप्त हुनुपर्ने अन्तिम दिन २०८० भदौ १५ गतेसम्म हुनेछ।
९. पुरस्कार : नगद एक लाख रकम (प्रमाणपत्रसहित) हुनेछ।
१०. यो प्रतियोगिता उत्कृष्ट शब्दको लागि मात्र हुने स्पष्ट गरिन्छ ।
सम्पर्क : राधेश्याम लेकाली
अध्यक्ष हेम सरिता पाठक फाउण्डेशन नेपाल शाखा
नेपाल शाखा
Email : hemsaritapathak@gmail.com
आयोजक: हेम सरिता पाठक फाउण्डेशन
क्याटेगोरी : समाचार
तपाईको प्रतिक्रिया दिनुहोस