शुक्रबार एक्सेल कलेजमा लायन्स क्लबको स्वास्थ्य शिविर

काठमाडौं । शुक्रबार २६ गते बानेश्वर थापागाउँमा रहेको एक्सेल कलेजमा आज स्वास्थ्य शिविर हुँदैछ ।

लायन्स क्लब अफ काठमाडौंका कोषाध्यक्ष विराट प्रकाश मैनालीका अनुसार स्वास्थ्य शिविर आज बिहान साढे ९ बजेदेखि सुरु भएर २ बजे सकिने छ ।

स्वास्थ्य शिविरमा आखाँ, दाँत र मधुमेहको निःशुल्क परीक्षण गरिने कार्यक्रम संयोजक समेत रहेका मैनालीले स्वास्थ्य लाइभलाई जानकारी दिए । साथै रक्तदान कार्यक्रम पनि राखिएको उनको भनाइ छ ।

लायन्स क्लब अफ काठमाडौंले नियमित रूपमा यस्ता कार्यक्रम गर्दै आएको छ । कलेजहरुलाई लक्षित गरेर महत्त्वपूर्ण स्वास्थ्य शिविर सञ्चालन ल्याउन क्लब सधै सक्रिय देखिन्छ । क्लबका काठमाडौं कोषाध्यक्ष मैनाली पनि उत्तिकै सक्रिय देखिन्छन् ।