काठमाडौंबाट बेनी जाँदै गरेको यात्रुबाहक बस त्रिशुलीमा खस्यो, ८ को मृत्यु

काठमाडौं । काठमाडौंबाट  म्याग्दीको बेनी जाँदै गरेको यात्रुबाहक बस त्रिशुली नदीमा खसेको छ । धादिङको गजुरीस्थित त्रिशुली नदीमा उक्त यात्रुबाहक बस खस्दा ८ जनाको मृत्यु भएको प्रहरीले जनाएको छ ।

उक्त बसमा सवार यात्रीलाई सशस्त्र प्रहरीको गोताखोर लगाएर उद्दार कार्य जारी राखिएको छ । अहिलेसम्म ८ जनालाई जीवितै उद्धार गरिएको छ ।

जीवितै उद्दार गरिएका केहीको गजुरी अस्पताल र राजमार्ग अस्पतालमा उपचार भइरहेको छ भने केहीलाई काठमाडौं ल्याइएको छ ।

बसमा कति यात्रु सवार थिए भन्ने यथार्थ विवरण बाहिर आउन सकेको छैन । बसको आधा भाग पानीमा डुबेको देखिन्छ ।