जसपाले मन्त्री टुंग्यायो: स्वास्थ्यमा उपेन्द्र, वनमा साह

काठमाडौं । जनता समाजवादी पार्टी(जसपा), नेपालले पुष्पकमल दाहाल प्रचण्ड नेतृत्वको सरकारमा जाने मन्त्रीहरूको नाम टुंगो लगाएको छ । जसपा नेपालले पार्टी अध्यक्ष उपेन्द्र यादवलाई उपप्रधानसहित स्वास्थ्यमन्त्रीमा पठाउने निर्णय गरेको हो । उनी यसअघि पनि स्वास्थ्यमन्त्री बनिसकेका व्यक्ति हुन् ।

त्यस्तै जसपाले वन तथा वातावरणमन्त्रीमा नवलकिशोर साह (सुडी)लाई पठाउने निर्णय गरेको छ । साह यस अगाडि मधेश प्रदेशको स्वास्थ्य तथा जनसंख्यामन्त्री र समाजिक विकासमन्त्री भइसकेका व्यक्ति हुन् । राज्यमन्त्रीमा भने दिपक कार्कीलाई पठाउने भएको हो ।