प्रकाशमानको क्षेत्रमा डा. शेखरले सक्रियता बढाए

काठमाडौं । नेपाली कांग्रेसका नेता डा. शेखर कोइरालाले प्रकाशमान सिंहको क्षेत्रमा सक्रियता बढाएका छन् । नेपाल कांग्रेसका पूर्वमहामन्त्री सिंह प्रतिनिधि सभामा निर्वाचित भएको क्षेत्रमा डा. शेखरले सक्रियता बढाएका हुन् ।

प्रतिनिधिसभा काठमाडौं क्षेत्र नम्बर १ मध्यवानेश्वरका स्थानीय नेता तथा बुद्धिजीवीहरुसँग डा. शेखरले शनिबार भेटघाट गरेका छन् । उक्त क्षेत्रबाट प्रकाशमान ४ पटक निर्वाचित भएका हुन् । काठमाडौ- १ का क्षेत्रीय सभापति रबिन्द्रबिक्रम राणा, बाग्मती प्रदेश सभा सांसद सुरज लामिछाने, नेपाल संस्कृत विश्वविध्यालयका पूर्वउपकुलपति प्रा.डा. कुलप्रसाद कोइराला, बरिष्ठ अधिवक्ता राधेश्याम अधिकारी, श्रीहरी अर्याल, बरिष्ठ पत्रकार हरिहर बिरही, विनोद भट्टराई, केशव अधिकारी लगायतको सहभागीता रहेको थियो।

उक्त भेटघाटमा कांग्रेस नेता डा. शेखरले उपप्रधानमन्त्री एवं गृहमन्त्री रवि लामिछानेको आलोचना गरेका थिए । सहकारी ठगीमा मुछिएका गृहमन्त्री रविले पदमा बसिरहन नहुने उनको भनाइ छ ।