प्रदिप परियारले सूचना तथा प्रसारण विभागको नेतृत्व सम्हाले

काठमाडौं। सहसचिव प्रदिप परियारले सूचना तथा प्रसारण विभागको नेतृत्व सम्हालेका छन्। काठमाडौं महानगरपालिकाको प्रमुख प्रशासकीय अधिकृतबाट सञ्चार तथा सूचना प्रविधि मन्त्रालय अन्तर्गत सरूवा भएका परियारले सूचना तथा प्रसारण विभागको कार्यभार सम्हालेका हुन्।

संघीय सरकारले काठमाडौं महानगरपालिकाको प्रमुख प्रशासकीय अधिकृतमा सरोजकुमार गुरागाईंलाई पठाएर परियारलाई सञ्चार मन्त्रालय सरुवा गरेको थियो।  मन्त्रालयले उनलाई सूचना तथा प्रसार विभागको महानिर्देशक बनाएर पठाएको हो।