मधेश स्वास्थ्य विज्ञान प्रतिष्ठानको रेक्टरमा पण्डित

काठमाडौं। मधेस स्वास्थ्य विज्ञान प्रतिष्ठानको रेक्टरमा प्रा. डा. रामनरेश पण्डित नियुक्त भएका छन्। वरिष्ठ स्त्री तथा प्रसूति रोग विशेषज्ञ पण्डितलाई प्रदेश सरकारले रेक्टरमा नियुक्त गरेको हो। नवनियुक्त रेक्टर पण्डितले आइतबार पदभार ग्रहण गरेका छन्।

प्रतिष्ठानका तत्कालीन रेक्टर डा. अंकुर साहलाई उपकुलपति बनाएपछि उक्त पद रिक्त थियो। रिक्त रेक्टर पदमा डा.पण्डित नियुक्त भएका हुन् । उनले आईतबारदेखि नियमित रूपमा काम थालेको प्रतिष्ठाले जनाएको छ।